કેન્દ્રીય બજેટ 2022 ની જાહેરાત પહેલા જ સરકારે સામાન્ય માણસ માટે રાહત આપી છે. ઓઈલ કંપનીઓએ કોમર્શિયલ ગેસ સિલિન્ડરના ભાવમાં ઘટાડો કર્યો છે. ઈન્ડિયન ઓઈલ (IOC) એ 19 કિલોના કોમર્શિયલ ગેસ સિલિન્ડરની કિંમતમાં 91.5 રૂપિયાનો ઘટાડો કર્યો છે. ભાવ ઘટાડા બાદ દિલ્હીમાં 19 કિલોના ગેસ સિલિન્ડરની કિંમત 1907 રૂપિયા થઈ ગઈ છે.
જોકે, આ મહિને એલપીજી સિલિન્ડરની કિંમતમાં વધારો થયો નથી. ઓઇલ માર્કેટિંગ કંપનીઓએ ફેબ્રુઆરી મહિના માટે ઘરેલું ગેસના ભાવ (LPG ગેસ સિલિન્ડરની કિંમત) જાહેર કરી છે. સબસિડી વગરના સિલિન્ડર (LPG ગેસ સિલિન્ડર)ની કિંમતમાં વધારો થયો નથી.
એલપીજી કિંમત
દિલ્હીમાં 14.2 કિલોગ્રામના સિલિન્ડરની કિંમત 899.50 રૂપિયા છે. કોલકાતામાં એલપીજી સિલિન્ડરની કિંમત 926 રૂપિયા, મુંબઈમાં 899.50 રૂપિયા છે. ચેન્નાઈમાં સબસિડી વગરના સિલિન્ડરની કિંમત હવે 915.50 રૂપિયા છે.
કોમર્શિયલ ગેસ સિલિન્ડર
દિલ્હીમાં 19 કિલો કોમર્શિયલ ગેસની કિંમત 91.5 રૂપિયા ઘટીને 1,907 રૂપિયા થઈ ગઈ છે. કોલકાતામાં કોમર્શિયલ ગેસ સિલિન્ડરની કિંમત 89 રૂપિયા ઘટીને 1987 રૂપિયા થઈ ગઈ છે. મુંબઈમાં કોમર્શિયલ ગેસનો ભાવ વધીને રૂ.1857 થયો હતો. અહીં 91.5 રૂપિયાની કપાત કરવામાં આવી છે. તે જ સમયે, ચેન્નાઈમાં 19 કિલોના કોમર્શિયલ ગેસ સિલિન્ડરની કિંમત 2080.5 રૂપિયા થઈ ગઈ છે.
એલપીજીની કિંમત કેવી રીતે ચેક કરશો
એલપીજી સિલિન્ડરની કિંમત તપાસવા માટે તમારે સરકારી ઓઈલ કંપની IOCની વેબસાઈટ પર જવું પડશે. અહીં કંપનીઓ દર મહિને નવા ભાવ જાહેર કરે છે. તમે IndianOilની https://iocl.com/Products/IndaneGas.aspx લિંક પર ક્લિક કરીને તમારા શહેરમાં ગેસ સિલિન્ડરની કિંમત પણ ચકાસી શકો છો.
નવું ક્મ્પોઝિટગેસ સિલિન્ડર
ઈન્ડિયન ઓઈલ એ તેના ગ્રાહકો માટે નવા પ્રકારનું એલપીજી સિલિન્ડર લોન્ચ કર્યું છે. તેનું નામ કમ્પોઝિટ સિલિન્ડર છે. આ સિલિન્ડર ત્રણ લેવલમાં બનાવવામાં આવ્યું છે. અંદરથી પ્રથમ સ્તર ઉચ્ચ ઘનતા પોલિઇથિલિનથી બનેલું હશે. આ આંતરિક સ્તર પોલિમરથી બનેલા ફાઇબર ગ્લાસથી કોટેડ છે. સૌથી બહારનું પડ પણ HDPE નું બનેલું છે.
